O IGAPE vén de publicar no DOG as axudas do Igape para a habilitación de liñas de financiamento subsidiado para microempresas, proxectos emprendedores e investimentos das pemes para a mellora competitiva do programa Re-Imaxina.

O prazo de presentación de solicitudes nas entidades financeiras por parte do solicitante iniciarase o día seguinte á publicación no DOG (26 de xuño) e finalizará o 14 de setembro do ano 2012.

As tres liñas para facilitar o acceso ao financiamento nos investimentos das microempresas, dos emprendedores e das pemes que melloren a súa competitividade son as seguintes: Liña Microcréditos para financiar investimentos nas microempresas galegas; Liña Peme Xove para financiar investimentos en proxectos emprendedores galegos; e Liña Peme competitiva: créditos para financiar investimentos que permitan mellorar a competitividade das pemes galegas.

Liña Microcréditos

No caso dos préstamos a microempresas, poderán ser beneficiarias aquelas con menos de 10 traballadores e cunha cifra de negocios anual ou balance xeral anual que non supere os 2 millóns de euros. O importe do préstamo é dun máximo de 25.000 euros e o tipo de xuro nominal anual para as operacións acollidas a esta liña será fixo do 4,50%. O importe dos préstamos subvencionables pode acadar ata o 100% dos investimentos financiables e o prazo de reembolso será de 5 anos, incluído ata 1 ano de carencia na amortización do principal.

Liña Peme Xove

Poden presentarse pemes que non veñan desenvolvendo a mesma actividade para a que solicita o financiamento nun prazo superior a dous anos a contar dende a data de presentación no Igape, directamente ou mediante a súa participación no capital doutra sociedade que desenvolvese a mesma actividade, empre que non estean en crise.

O importe do préstamo será dun mínimo 25.000 euros e dun máximo 120.000. Subvencionarase ata o 90% dos investimentos financiables e o prazo de reembolso será entre 5 e 7 anos, incluído ata 1 ano de carencia na amortización do principal.

Liña Peme Competitiva

Poden acceder a estes créditos pemes que leven máis de dous anos nas seguintes actividades:
agricultura, gandaría, silvicultura e pesca; industrias extractivas; industria manufactureira; construción; comercio; transporte e almacenamento; hostalaría; información e comunicacións; e servizos auxiliares.

O importe do préstamo será dun mínimo 25.000 euros e máximo de 120.000 e o importe dos préstamos poderá acadar ata o 75% dos investimentos financiables. O prazo de reembolso será entre 5 e 7 anos, incluído ata 1 ano de carencia.

Nuevo comentario

YrJsKIKikI

Nombre

E-mail

Comentario

Captcha

Los datos personales del presente documento gozan de la protección prevista en el título II de la Ley Orgánica 15/1999 de Protección de Datos de Carácter Personal.